Spread of CANCER VIRUS

தொற்று மூலம் பரவும் புற்றுநோய் 

டைபாய்டு, மலேரியா போன்றவை தொற்று நோய்கள் தான். இது உண்மை. ஆனால் இவற்றால் புற்றுநோய் ஏற்படுவதில்லை. அதே நேரம் சில நோய்கள் புற்றுநோயை ஏற்படுத்த கூடியவை.

ஹெலிகோப்பாக்டர் பைலோரி எனும் கிருமி காரணமாக இரைப்பை புண் ஏற்படுவதுதான், தற்காலத்தில் அதிகம். அசுத்தமான குடிநீரில் இவை வசிக்கும். அதனை அருந்துபவர்களுக்கு இந்த பாக்டீரியா தொற்றிக்கொள்ளும்.

இது பல வருடங்களுக்கு இரைப்பையில் வாழும். இதற்கு சிகிச்சை எடுக்க தவறினால், நாளடைவில் இது இரைப்பை புற்றுநோயை தூண்டும். மற்றவர்களை விட இந்த கிருமி தொற்று இருப்பவர்களுக்கு இரைப்பையில் புற்று நோய் வருவதற்கு வாய்ப்பு அதிகம்.

அடிக்கடி இரைப்பை புண் தொல்லை கொடுத்தால் ஒரு முறை எண்டோஸ்க்கோப்பி பரிசோதனை செய்து ஹெலிகோப்பாக்டர் பைலோரி கிருமி இருக்கிறதா என்பதை உறுதி செய்து, சிகிச்சை எடுத்துக் கொள்ள வேண்டும். அலட்சியமாக இருந்து விட கூடாது.

ஹெபடைடிஸ்-பி மற்றும் சி வைரஸ்கள் கல்லீரலை தாக்கும் போது முதலில் மஞ்சள் காமாலை ஏற்படும். இந்த நோய் கிருமி ரத்தம், தாய்ப்பால், விந்து, பெண் பிறப்புறுப்பு திரவங்களில் வெளியேறி அடுத்தவர்களுக்கு பரவுகிறது. கர்ப்பிணிக்கு இந்த நோய் இருந்தால் குழந்தைகளுக்கு அது தொற்றுகிறது. பாலுணர்வு மூலம் இது மற்றவர்களுக்கு பரவும்.

இந்த நோயளிகள் முன்னெச்சரிக்கை பரிசோதனை செய்யாமல் ரத்த தானம் செய்யும்போது, அந்த ரத்தத்தை பெற்றுக்கொண்டவருக்கு இந்த நோய் வருகிறது. இது நாள்ப்பட்ட கல்லீரல் அழற்சி நோய் மாறி, பின்னர் புற்றுநோயாய் உருவெடுக்கும். ஹெபடைடிஸ்-பி மஞ்சள் காமாலைக்கு தடுப்பூசி உள்ளது. குழந்தை பருவத்தில் இதைப் போட்டுக்கொள்ளலாம். இதன் மூலம் இந்த புற்றுநோய் ஏற்படாமல் தடுக்கலாம்.

இதேபோல் ஹச்.பி.வி. பை வேலன்ட் தடுப்பூசியை பெண்கள் 10 வயது முடிந்ததும் முதல் தவணை போட்டுக்கொள்ளவேண்டும். ஒரு மாதம் கழித்து இரண்டாவது தவணை, ஆறு மாதங்கள் கழித்து மூன்றாவது தவணையை போட்டுக்கொள்ளவேண்டும்.

 ஹச்.ஐ.வி. தொற்று காரணமாக எய்ட்ஸ் நோய் ஏற்படும். இந்த நோய் உள்ளவர்களுக்கு நோய் எதிர்ப்பு ஆற்றல் மிகவும் குறைந்து போவதால் தோல், நிணநீர், கணுக்கள், கல்லீரல், கருப்பை வாய் ஆகிய இடங்களில் புற்றுநோய் ஏற்படுவதற்கான வாய்ப்புகள் அதிகம். இவர்கள் மருத்துவரின் தொடர் கண்காணிப்பில் இருந்து, இந்த வைரஸ் கிருமிகளுக்கு எதிரான மருந்துகளை முறையாக எடுத்துக் கொள்ளலாம். இதனால் இந்த பபுற்றுநோய்கள் ஏற்படுவதை தடுத்துவிடலாம் என்கிறார்கள் மருத்துவ நிபுணர்கள்.