கீரைகள்
உடலுக்கு தேவையான பல சத்துக்கள் அடங்கியிருக்கும் சிறப்பான உணவு கீரை. தினம் ஏதாவது ஒரு வகை கீரையை உணவில் சேர்த்து வந்தால், உடல் ஆரோக்கியமும், நோய் எதிர்ப்பு சக்தியும் அதிகரிக்கும். ஊட்டச்சத்து குறைபாடுகளை தவிர்க்க முடியும்.
அரைக்கீரை, முளைக்கீரை, முருங்கை கீரை, பொன்னாங்கண்ணி, மணத்தக்காளி, பிரண்டை, முகமுசுக்கை, முடக்கத்தான், நச்சுக்கொட்டை, காசினி, மூக்கரட்டை போன்ற கீரைகளை அடிக்கடி உணவில் சேர்த்து கொள்ளலாம்.
முருங்கை கீரை
வைட்டமின்கள், சுண்ணாம்புச்சத்து,
புரதம், இரும்புசத்து, தாது பொருள்கள் போன்ற பல வகையான சத்துக்கள், முருங்கை கீரையில் நிறைந்து காணப்படுகின்றன. இவை கண் பார்வையையும், எலும்புகளையும் பலப்படுத்தும்.
பருப்பு கீரை
பாலூட்டும் தாய்மார்கள், கட்டாயம் சாப்பிட வேண்டிய கீரைகளில் பருப்புக்கீரையும் ஒன்றாகும். இதில் கால்சியம் சத்து நிறைந்துள்ளது. ரத்தத்தை சுத்தப்படுத்தி நோய்களில் இருந்து தற்காத்து கொள்ள உதவும். உடலில் இருக்கும் கெட்ட கொழுப்புகளை அகற்றும்.
வல்லாரை கீரை
இந்த கீரையை தொடர்ந்து சாப்பிட்டு வருவதால், மூளையின் செல்கள் புத்துணர்வு பெற்று, ஞாபக சக்தி மேம்படும். இதில் தாது உப்புகள், சுண்ணாம்பு சத்து, வைட்டமின்கள் அடங்கியுள்ளன. மற்ற கீரைகளை போலவே இதையும் சமைத்து சாப்பிடலாம்.
நச்சுக்கொட்டை கீரை
இரும்புசத்து மற்றும் தாது உப்புகள் நிறைந்திருக்கும் இந்த கீரை, மூட்டு தொடர்பான பிரச்சனைகள் குணப்படுத்தும் தன்மை கொண்டது. குளிர் காலத்தில் ஏற்படும் இருமல், சளி மற்றும் நுரையீரல் பிரச்சனைகளையும் குணமாக்கும்.
மணத்தக்காளி கீரை
கருவுற்றிருக்கும் பெண்கள், குழந்தைகள் மற்றும் பெரியவர்கள் இந்த கீரையை அடிக்கடி உணவில் சேர்த்து கொள்ளலாம். இதன் இலைகளை, ஒரு நாளில் 4 முதல் 5 முறை நன்றாக மென்று, சாற்றை விழுங்கி வந்தால், வாய் மற்றும் வயிற்றுபுண் குணமாகும்.
Comments
Post a Comment